मधेश प्रदेश : नक्कली नोटसहित एकजना पक्राउ

टुडेपाटी–
रौतहट, कार्तिक १२ गते ।

रौतहटबाट नक्कली नोटसहित एकजना पक्राउ परेका छन् ।

रौतहटको गौरबाट नेपाली नक्कली नोटसहित गौर नगरपालिका ४ टिकुलियाका जयप्रकाश साह पक्राउ परेको रौतहट प्रहरी प्रमुख एसपी बिरबहादुर ठाडामगरले बताए ।

शनिवार दिउसो गौरस्थित पेट्रोल पम्पमा नक्कली नोट दिएर पेट्रोल खरिद गरिरहेको सूचनाको आधारमा प्रहरीले उनलाई पक्राउ गरेको थियो । उनको साथबाट ३ थान नेपाली हजारको नक्कली नोट बरामद गरिएको एसपी ठाडामगरले जानकारी दिए ।

साह गौर बजारमा ठेला व्यवसाय गर्दै आएका छन् ।

साहलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय रौतहटले जनाएको छ ।