महोत्तरीमा मोटरसाइकलको ठक्करबाट एक महिलाको ज्यान गयो

टुडेपाटी-
जनकपुरधाम, कार्तिक ११ गते ।

महोत्तरीमा मोटरसाइकलको ठक्करबाट एक महिलाको ज्यान गएको छ । ज्यान जानेमा सोनमा गाउँपालिका ७ सुन्दरपुर बस्ने ५० वर्षीया फेकनी देवी यादव रहेको प्रहरीले जनाएको छ ।

गौशाला नगरपालिकाबाट सोनमा गाउँपालिका तर्फ जाँदै गरेको ज ११प ९० नम्बरको मोटरसाईकलले सोनमा गाउँपालिका ७ सुन्दरपुरमा खेतबाट घाँस लिएर फर्किदै गरेकी फेकनी देवीलाई ठक्कर दिएको थियो ।

Sponsored

ठक्करबाट गम्भीर घाइते भएकी उनलाई उपचारका लागि जनकपुर लैजाने क्रममा बाटोमै मृत्यु भएको इलाका प्रहरी कार्यालय गौशालाले जनाएको छ ।
घटना पश्चात मोटरसाईकल र चालकलाई नियन्त्रणमा लिएर थप अनुसन्धान गरिरहेको जनाएको छ ।