मधेश प्रदेश : गएराति लुटपाट, घटनास्थलबाट हतियार बरामद

टुडेपाटी–
रौतहट, कात्तिक १० गते ।

रौतहटको कटहरिया बजारमा गएराति लुटपाटको घटना भएको छ । प्रहरीले लुटेरा समूहले छाडेर गएको एक थान हतियार घटनास्थलबाट बरामद गरेको छ।

ईलाका प्रहरी कार्यालय कटहरियाबाट दुईसय मिटर टाढा मात्र घटनास्थल रहेको छ । ५ जना अज्ञात हतियारधारी समूह गएराति १ बजे कटहरिया ५ गाउँका रामचन्द्र साह सोनारमा लुछपाट गरेको थियो ।

लुटेरा समूह घरको पछाडि वालमा फलामको सिढी लगाएर भित्र प्रवेश गरेका थिए । लुटेराहरुले विभिन्न गहना, नगद र केही कपाली तमसुक समेत लुटेको पीडित रामचन्द्र साहले बताए ।

घटनालगत्तै बिहान साढे दुईबजे ईलाका प्रहरी कार्यालय कटहरिया र गरुडीबाट आएको प्रहरी टोलीले लोड अवस्थामा एउटा घरेलु हतियार थ्रीफिप्टिन पेस्तोल बरामद गरेको छ।

ईलाका प्रहरी कार्यालय गरुडाका प्रमुख डिएसपी बरुण कुमार सिंहले घटनास्थलबाट प्रहरीले हतियार बरामद गरेको पुष्टि गर्दै घटना बारे थप अनुसन्धान भइरहेको जानकारी दिए ।