सर्लाहीको पोखरीमा ८ वर्षीया बालिकाको शव फेला

टुडेपाटी-
सर्लाही, कार्तिक ८ गते ।

सर्लाहीको एक पोखरीमा ८ वर्षीया बालिकाको शव फेला परेको छ ।
कबिलासी नगरपालिका ४, जमुनियाँ बस्ने सुनिल पासवानकी ८ वर्षीया छोरी सीताकुमारी पासवानको शव सोमबार फेला परेको हो ।

दिउँसो घरनजिकै पोखरीमा डुबेको अवस्थामा उनको शव फेला परेको प्रहरीले जनाएको छ ।

बालिका नुहाउने क्रममा पोखरीमा डुबेको आफन्तले बताएका छन् ।

घटनाबारे अनुसन्धान भइरहेको जिल्ला प्रहरी कार्यालय सर्लाहीका डीएसपी विजय यादवले जानकारी दिए।