मधेश प्रदेश : लागूऔषधसहित युवक पक्राउ

टुडेपाटी–
सर्लाही, असोज ३१ गते ।

प्रतिबन्धीत लागूऔषधसहित सर्लाहीबाट एकजना पक्राउ परेका छन् ।

पक्राउ पर्नेमा जिल्लाको मलंगवा नगरपालिका २ बस्ने २५ वर्षीय संतोष साह रहेको जिल्ला प्रहरी कार्यालय सर्लाहीले जनाएको छ ।

प्रहरीले ब्रहम्पुरी गाउँपालिका ४ त्रिभुवननगर स्थित प्रहरी टोलीले चेकजाँच गर्ने क्रममा भारतबाट नेपाल तर्फ आउँदै गरेको साईकलमा सवार साहलाई रोकी चेकजाँच गर्दा उनको साथबाट ९ सय पिस नाईट्राभेट ट्याबलेट बरामद गरेको प्रहरी प्रवक्ता प्रहरी नायव उपरीक्षक बिजय यादवले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।