महोत्तरीमा भारतबाट भित्र्याइएको पटका बरामद
टुडेपाटी–
महोत्तरी, असोज ३० गते ।
तिहार नजिकिएसँगै महोत्तरीमा लाखौँको पटाका बरामद भएको छ । सशस्त्र प्रहरीले महोत्तरीको मटिहानी र सम्सी नाकाबाट नेपाल भित्र्याइएको पटका बरामद गरेको छ ।
मटिहानी ९ स्थित हनुमान चोकबाट लुकाईछुपाई ल्याएको २ कार्टुन र सम्सी नाकाबाट भित्रिएको दुई कार्टुन पटका बरामद गरेको सशस्त्र प्रहरी महोत्तरीले जनाएको छ ।
Sponsored
सशस्त्र प्रहरी बल ९ नम्बर गण हेडक्वार्टरबाट खटिएको र सशस्त्र प्रहरी बल बिओपी सम्सीबाट खटिएको प्रहरी टोलीले दुई ठाउँबाट ४ कार्टुन पटका बरामद गरेको सशस्त्र प्रहरी ९ नम्बर गण जलेश्वरका प्रमुख दिपेन्द्र गिरीले जानकारी दिए ।
सशस्त्र प्रहरीले शनिबार नै दुई वटा नाकाबाट १ लाख २२ हजार ८ सय ७० रुपैयाँ मूल्यको पटका बरामद गरेर नष्ट गरेको गिरीले बताए ।
बरामद गरिएको पटका खाल्डोमा पुरिएको सशस्त्र प्रहरीले जनाएको छ ।
Sponsored
हैन यो त बम हैन होला!! बर्षमा एक पल्ट तिहार आउँदा पनि खोसेर राख्नु हुन्छ Arun Ray पावर छ भने त्यो डिलरहरुलाई रेड हान ।अन्यथा दुई पैसा जोगाएर गरिबले रमाइलोको लागि ल्याउदा खोस दिने वाह रे हाम्रो जवान ।।धेरै धेरै बधाई छ