सिरहाबाट अपहरणमा परेका युवकको शव विराटनगरको होटलमा फेला

टुडेपाटी–
विराटनगर, असोज २८ गते ।

सिरहाबाट अपहरणमा परेका एक युवकको शव विराटनगरको एक होटलमा फेला परेको छ ।

विराटनगर बसपार्कमा रहेको न्यू अप्सरा गेष्ट हाउसमा शुक्रबार दिउँसो युवकको शव भेटिएको जिल्ला प्रहरी कार्यालय मोरङका प्रमुख प्रहरी उपरीक्षक शन्तिराज कोइरालाले बताए ।

सिरहाका १८ वर्षीय युवक अंशु सदाको शव फेला परेको हो । प्रहरी उपरीक्षक कोइरालाले असोज २६ गते होटलमा इन्ट्री भएको देखिएको र सिरहाबाट अपहरण गरेको कुरा आएको बताए ।
प्रहरीले युवकको हत्यामा संलग्न भएको आशंकामा ३ जनालाई नियन्त्रणमा लिएको छ ।

यस सम्बन्धमा थप अनुसन्धान भइरहेको उनले भने ।