मधेश प्रदेश : एकै परिवारका तीनजना मृत फेला

टुडेपाटी-
बारा, असोज २६ गते ।

बारामा एकै परिवारका तीनजना मृत फेला परेका छन् ।

बाराको प्रसौनी गाउँपालिकास्थित खोलामा एकै परिवारका तीन जना मृत भेटिएको प्रहरीले जनाएका छन् ।

प्रसौनी–५ प्रस्टोका टोलमा रहेको डोरा खोलामा एकै परिवारका तीन जना दिउँसो दुई बजेको समयमा मृत भेटिएको जिल्ला प्रहरी कार्यालय बाराले जनाएको छ ।

प्रस्टोका टोल बस्ने दीपेन्द्र चौधरीकी श्रीमती २५ वर्षीया सुजता चौधरी, उनकी ३ वर्षीय छोरी ताहिरा र १६ महिनाका छोरा राजवीर मृत भेटिएको बाराका प्रहरी प्रबक्ता प्रहरी नायव उपरीक्षक राजेश थापाले जानकारी दिए।

गाउँभन्दा उत्तरतर्फ रहेको डोरा खोलाको किनारमा उनीहरूको शव भेटिएको प्रवक्ता थापाले बताए।

यस सम्बन्धमा थप अनुसन्धान भइरहेको जिल्ला प्रहरी कार्यालय बाराले जनाएको छ ।