मधेश प्रदेश : जिपको ठक्करबाट युवकको मृत्यु

टुडेपाटी-
रौतहट, असोज १९ गते ।

रौतहटमा जिपको ठक्करबाट एक युवकको मृत्यु भएको छ । जिल्लाको चन्द्रपुर ३ स्थित गैडाटार गाउँमा जिपको ठक्करबाट मंगलबार राती स्थानिय ३३ वर्षिय ईमान सिंह थिङको मृत्यु भएको हो ।

घटनापछि मृतकका आफन्तले केहीबेर ईलाका प्रहरी कार्यालय अगाडी होहल्ला गरेका थिए ।

चन्द्रपुर– ३ पूर्वीटोलस्थित भित्रि सडक खण्डमा गैंडाटारबाट च.पुर आउँदै गरेको प्र.२–०३–००१ च १९४४ नम्बरको पिकअप जिपले ठक्कर दिदा पैदल यात्री थिङको मृत्यु भएको ईलाका प्रहरी चन्द्रनिगाहपुरका डिएसपी सन्तु जैसवारले बताए ।

घटना लगत्तै जिप र चालकलाई नियन्त्रणमा लिएको तथा घटनाबारे थप अनुसन्धान भईरहेको उनले बताए ।

जिपको ठक्करबाट घाईते थिङलाई तत्कालै उपचारको लागि चन्द्रनिगाहपुर अस्पताल ल्याएका थिए । तर चिकित्सकले मृत घोषित गरेको प्रहरीले जनायो ।