मधेश प्रदेश : रकम लुटपाट गर्ने एकजना पक्राउ

टुडेपाटी-
रौतहट, असोज १८ गते ।

रकम लुटपाट गर्ने गिरोहका एकजनालाई रौतहट प्रहरीले नियन्त्रणमा लिएको छ ।

जिल्लाको गरुडा कटहरिया सडकखण्डमा लुटपाट गर्ने गिरोहका एक जना पक्राउ परेका छन् भने दुईजना फरार भएका छन् । पक्राउ पर्नेमा गरुडा नगरपालिका-२ महम्मदपुरका २५ वर्षीय बृजनन्दन यादव रहेका छन् । यस्तै दुईजना फरार रहेको इलाका प्रहरी कार्यालय कटहरियाका प्रमुख सई सुरेन्द्र सिंहले बताए ।

कटहरिया-५ बहादुरपुरका सखिचन महरा चमार गरुडा, गंगापिपरा एरियामा परेवा बेचेर साइकल चढेर  घर तर्फ गइरहेका समय गत राति ८ बजे जलैया चौकमा पुल नजिकै तीन जनाको समूहले  चमारलाई कुटपिट गरी ५५ हजार रुपैयाँ लुटेका थिए । 

पीडित चमारले गुहार माग्दै रोई कराई गर्दा स्थानीय त्यहाँ पुग्दा लुटेरा मध्येका दुईजना मोटरसाइकलमा फरार भएको तथा बृजनन्दन यादव पक्राउ परेको सई सिंहले जानकारी दिए ।

यस सम्बन्धमा थप अनुसन्धान भइरहेको प्रहरीले जनाएका छन् ।