सप्तरीमा पोखरीमा डुबेर बालकको मृत्यु

शुभ नारायण यादव–
सप्तरी, भदौ २८ गते ।

सप्तरीको शम्भुनाथ नगरपालिका ७ भगवतपुरमा पोखरीमा डुबेर एक बालकको मृत्यु भएको छ ।

स्थानीय सचिन्द्र सदाका ५ बर्षिय छोरा सुदिप कुमार सदाको घर नजिकै रहेको पोखरिमा डुबेर मृत्युु भएको हो । घर नजिकै स्थानीय बसन्त सरदारको पोखरीमा खेल्ने क्रममा अचानक डुबेर बालकको मृत्युु भएको जिल्ला प्रहरी कार्यालय सप्तरीले जनाएको छ ।

पोखरीमा डुबेर घाइते बालकको तत्काल राजविराज स्थित छिन्नमस्ता अस्पतालमा उपचारको लागि ल्याएको तथा उपचारके क्रममा उनको मृत्युु भएको सप्तरी प्रहरीले जनाएको छ ।

यता मृतक बालकको शव अस्पतालमा पोष्ट मार्टमका लागि राखिएको तथा घटनाको सम्बन्धमा थप आवश्यक अनुसन्धान कार्य भइरहेको प्रहरीले जनाएको छ ।