धनुषामा अबैध रुपमा उत्खनन् गर्ने जेसिबी, टिपर र ट्याक्टर नियन्त्रणमा

टुडेपाटी–
जनकपुरधाम, भदौ २३ गते ।

धनुषामा अवैध रुपमा उत्खनन् गर्ने चारवटा गाडीलाई प्रहरीले नियन्त्रणमा लिएको छ ।

बिहिवार दिउँसो विशेष सूचनाको अधारमा ईलाका प्रहरी कार्यालय भरतपुर धनुषाबाट खटेको प्रहरी टोलीले गणेशमान चारनाथ नगरपालिका ५ स्थित चारनाथ खोलाबाट अबैध रूपमा वालुवा गिटी उत्खन्न गर्दै गरेको अवस्थामा जेसिबी, टिपर र ट्याक्टर नियन्त्रणमा लिएको जिल्ला प्रहरी कार्यालय धनुषाले जनाएको छ ।

प्रहरीले प्र २–०३–००१ क ००२६ नम्बरको टिपर, ना १ क ५७८१ नम्बरको जेसिबी, ना ३ त ३३२९ र ज १ त ६८३५ नम्बरको ट्याक्टरहरू नियनत्रणमा लिएको प्रहरी प्रवक्ता प्रहरी नायव उपरीक्षक प्रदीपबहादुर क्षेत्रीले जानकारी दिए ।

नियन्त्रणमा लिइएको गाडीहरु आवश्यक कारवाहीका लागी गणेशमानचारनाथ नगरपालिकाको कार्यालयमा पठाइएको हो ।