सप्तरीमा छुट्टाछुट्टै घटनामा दुई जनाको मृत्यु

शुभ नारायण यादव–
सप्तरी, भदौ ८ गते ।

सप्तरीमा छुट्टाछुट्टै घटनामा दुई जनाको मृत्यु भएको प्रहरीले जनाएको छ ।

मृत्यु हुनेमा सप्तरीको विष्णुपुर गाउँपालिका वडा नं. ६ गोरगामा टोलका ५५ बर्षिय राम बिलाश राय रहेका छन् । उनको उपचारको क्रममा मृत्यु भएको हो ।

विष्णुपुर–६ रंजितपर स्थित राजबिराज तिलाठी सडक खण्डमा तिलाठीबाट राजबिराज तर्फ आउदै गरेको प्रदेश २ – ०१ – ००१ ह ०९१८ नम्बरको टेम्पुले रोकिरहेको साईकल यात्री रायलाई ठक्कर दिदा छिन्नमस्ता अस्पताल राजबिराजमा उपचार भइरहेकोमा उपचारको क्रममा उनको मृत्यु भएको जिल्ला प्रहरी कार्यालय सप्तरीले जनाएको छ ।

मृतक रायको शवलाई कानुन बमोजिल लास जाँच मुचुल्का समेतको कार्य सम्पन्न भई पोष्टमार्टम कार्य भइ सकेको अन्य थप अनुसन्धान कार्य भरहेको प्रहरीले जनाएको छ ।

यस्तै पानीमा डुबेर सप्तरीमा एक बालिकाको मृत्यु भएको छ । मृत्यु हुनेमा सप्तरीको हनुमाननगर कंकालिनि नगरपालिका वडा नं. ४ अर्जि मधुुवापुरका जितेन्द्र सिपलियाको छोरा ७ बर्षिय देविल सिपलिया रहेको प्रहरीले जनाएको छ । देविल सुस्त मनस्थितिको रहेको तथा घरमा कोही नभएको मौका पारी घर नजिकै रहेको पोखरीको पानीमा डुवि मृत्यु भएको प्रहरीले जनाएको छ ।

यस सम्बन्धमा थप अनुसन्धान भइरहेको प्रहरी प्रवक्ता माधव प्रसाद काफ्लेले जानकारी दिए ।