महोत्तरीमा मोटरसाइकल दुर्घटनामा परेर एकजनाको मृत्यु

टुडेपाटी-
महोत्तरी, भदौ ८ गते ।

मोटरसाइकल दुर्घटनामा परेर महोत्तरीमा एकजनाको मृत्युु भएको छ ।

जिल्लाको बर्दिबास नगरपालिका–२ हङकङ डाँडामा गएराती मोटरसाइकलको ठक्करबाट स्थानीय २२ वर्षीय अञ्जन बलमपाकीको मृत्यु भएको जिल्ला प्रहरी कार्यालय महोत्तरीले जनाएको छ ।

दुर्घटनामा घाइते भएका युवकको उपचारका क्रममा आज बिहान सवा ८ बजे किष्ट अस्पताल ललितपुरमा मृत्यु भएको हो ।

गएराती सवा १२ बजे औरहीबाट बर्दिबासतर्फ जाँदै गरेको प्रदेश २–०३–००२ प ५७०६ नम्बरको मोटरसाइकल रोकेर शौच गर्दै गरेका बलमपाकीलाई नम्बर खुल्न नसकेको मोटरसाइकलले ठक्कर दिएको थियो ।

यस सम्बन्धमा थप अनुसन्धान भइरहेको छ ।