महोत्तरीका जम्सेद नदापले बिदेशबाट सिटी एक्सप्रेसमा पैसा पठाउँदा जिते कार

टुडेपाटी–
काठमाडौँ, भदौ ७ गते ।

साउदी अरबबाट सिटी एक्सप्रेस मनी ट्रान्सफरमा पैसा पठाउँदा महोत्तरीका जम्सेद नदापले कार उपहार पाएका छन्।

सिटी एक्सप्रेस र साउदी अरबस्थित टेलिमनी बैंकको संयुक्त आयोजनामा ६ महिनाका लागि ‘नेपाल पैसा पठाउनुहोस् र पुरस्कार जित्नुहोस्’ योजना चलाइएको थियो।

यसअन्तर्गत साउदीको टेलिमनी बैंकमार्फत सिटी एक्सप्रेसमा रकम पठाउँदा १५ जनाले सामसङ मोबाइल फोन, तीन जनाले १० ग्राम सुन, तीन जनाले पाँच हजार साउदी रियाल नगद उपहार पाएका छन्।

यस्तै तीन जनाले आइफोन–१३ प्रो म्याक्स र बम्परमा एक जनाले निसान सन्नी कार प्राप्त गरेका छन्।

योजनाअनुसार भदौ ३ गते साउदीस्थित टेलिमनी सेन्टरमा आयोजित कार्यक्रमकाबीच बम्पर उपहारमा निसान सन्नी कार विजेतालाई हस्तान्तरण गरिएको छ।

रामगोपालपुर, महोत्तरी स्थायी घर भएका ३५ वर्षीय जम्सेद नदापले कार पाउन सफल भएका हुन्। उनी ६ वर्षदेखि साउदीमा काम गर्दै आएका छन्।