बालुवा, गिट्टी उत्खन्न गर्ने ६ वटा सवारी साधन धनुषा प्रहरीको नियन्त्रणमा

टुडेपाटी–
जनकपुरधाम, भदौ ३ गते ।

अवैध रूपमा बालुवा, गिट्टी उत्खन्न गर्ने ६ वटा सवारी साधनहरूलाई धनुषा प्रहरीले नियन्त्रणमा लिएको छ ।

प्रहरी चौकी चिसापानी धनुषाबाट खटेको टोलीले गणेशमानचारनाथ नगरपालिका–५ कमला खोलाबाट सवारी साधनहरू नियन्त्रणमा लिएको जिल्ला प्रहरी कार्यालय धनुषाले जनाएको छ ।

मापदण्ड विपरित अवैध रूपमा बालुवा, गिट्टी उत्खन्न गरिरहेको अवस्थामा ज १ त ८५०५, स १ त ७६३७, प्रदेश २–०२–००१ त १५३६, प्रदेश २–०२–००३ त ४४४१, प्रदेश २–०३–००१ त १३५६ र प्रदेश २–०१–००१ त ०४६४ नम्बरको ट्याक्टरहरू नियन्त्रणमा लिइएको प्रवक्ता प्रहरी नायव उपरीक्षक प्रदीपबहादुर क्षेत्रीले जानकारी दिए ।

नियन्त्रणमा लिइएका सवारी साधनहरूलाई आवश्यक कारवाहीका लागि गणेशमानचारनाथ नगरपालिकाको कार्यालयमा पठाई जनही ५ हजारका दरले जरिवाना तिराएर छाडिएको प्रवक्ता क्षेत्रीले प्रहरीले जनाएको छ ।