निहारिका प्रकरण : बलात्कार आरोपित शिवराज पक्राउ

टुडेपाटी-
जनकपुरधाम, साउन ३१ गते ।

निहारिका राजपूत प्रकरणका आरोपित शिवराज श्रेष्ठलाई पक्राउ परेका छन् ।

उपत्यका अपराध महाशाखा र जिल्ला प्रहरी कार्यालय, धनुषाको टोलीले श्रेष्ठलाई पक्राउ गरेको प्रहरी प्रवक्ता टेकप्रसाद राईले जानकारी दिए ।

आफूमाथि बलात्कार भएको र बलात्कारबाट बच्चा जन्मिएको बताउँदै आएकी महोत्तरीकी निहारिका राजपूतले आरोपी शिवराज श्रेष्ठलाई कारबाहीको माग गर्दै सन्तानको डिएनए परीक्षणको माग गर्दै आएकी छिन् । 

काठमाडौँको माइतीघर मण्डला र वसन्तपुरमा यसअघि आमरण अनशनमा बसेकी उनले पछिल्लो समय राष्ट्रपति कार्यालयबाहिर आत्मदाहको प्रयाससमेत गरेकी थिइन् ।

पछिल्लो समय निहारिका र शिवराज प्रेम सम्बन्धमा रहेको बेला खिचेको तस्बिरहरू समाजिक सञ्जालमा भाइरल भइरहे छ ।