पर्सामा अवैध काठसहित मिलका सञ्चालक पक्राउ

टुडेपाटी-

पर्सा, वैशाख ७ गते ।

प्रहरीले वीरगन्जमा रहेको एक सव मिलमा छापा मारेको छ ।

प्रहरीले विषेश सूचनाको आधारमा आइतबार पर्साको वीरगन्ज महानगरपालिका १० आदर्शनगर स्थित ठाकुराम क्याम्पस पछाडि रहेको जगदिश सव मिलमा छापा मारेको जिल्ला प्रहरी कार्यालय पर्साले जनाएको छ ।

प्रहरीले अवैध सतसालको १२६ गोलियासहित सव मिलका सञ्चालकलाई पक्राउ गरेको पर्साका प्रहरी नायव उपरीक्षक बिरेन्द्रबहादुर शाहीले जानकारी दिए ।

राष्ट्रिय जगंलबाट फडानी गरि अवैध रुपमा लुकाइ ल्याएको सतसालको गोलिया सव मिलबाट लुकाएर राखिएको अवस्थामा बरामद गरिएको पर्साका डीएसपी शाहीले बताए ।

बरामद गरीएको काठको गोलियासहित सचालक लोहारलाई जिल्ला प्रहरी कार्यालय पर्सामा ल्याइ थप अनुसन्धान भइरहेको छ ।