जनकपुरधामबाट चोरीको मदिरासहित युवक प्रहरीको फन्दामा

टुडेपाटी–
जनकपुरधाम, साउन ८ गते ।

जनकपुरधाम स्थित रहेको मदिरा पसलबाट चोरी गर्ने चोर चोरीको विभिन्न सामग्रीसहित पक्राउ परेका छन् ।

पक्राउ पर्नेमा कमला नगरपालिका ५ घर भई हाल जनकपुरधाम उपमहानगरपालिका २ मा डेरा लिएर बस्दै आएका २१ वर्षीय मनोज यादब रहेको जिल्ला प्रहरी कार्यालय धनुषाले जनाएको छ ।

शनिवार रातिको समयमा जनकपुरधाम २ कदमचोक स्थित रहेको खुश्बु कोल्ड स्टोरमा चोरी भएको खबर प्रहरीमा आइतवार विहान आएपछि जिल्ला प्रहरी कार्यालयबाट खटेको विशेष अनुसन्धान टोलीले चोरीमा संलग्न रहेको यादवलाई डेराबाट नै नियन्त्रणमा लिएको प्रहरी प्रवक्ता प्रहरी नायव उपरीक्षक प्रदीपबहादुर क्षेत्रीले जानकारी दिए ।

यादवको कोठाबाट चोरीको विभिन्न सामग्री सहित पक्राउ गरिएको छ ।

यस सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।