सिरहामा इनारमा डुबेको अवस्थामा पुरुषको शव फेला

टुडेपाटी-
सिरहा, साउन ७ गते ।

सिरहामा इनारमा डुबेको अवस्थामा एकजना पुरुषको शव फेला परेको छ । सिरहाको गोलबजार नगरपालिका-९ डण्डाका ४५ वर्षीय रामजतन पासवानको शव फेला परेको हो ।

.शुक्रबार बेलुकादेखि हराइरहेका उनको चप्पल र गञ्जी इनार नजिकैफेला परेकाले उनकै शव भएको प्रहरीले जनाएको छ ।

मृतक पासवानको गञ्जी र चप्पल भेटिएको आधारमा शनिबार बिहान इनारको पानी फालेपछि शव देखिएपनि कसको हो भन्ने अझै खुलिनसकेको छैन ।

प्रहरी र सेनाले शव निकाल्ने प्रयास गरेपनि नसकेपछि इटहरीबाट गोताखोर टोली ल्याएर निकाल्ने प्रयास भइरहेको छ ।इनाकारमा अक्सिजनको मात्रा कम भएकाले शव निकाल्न कठिनाइ भएको स्थानीय बताउँछन् ।

घटनाबारे थप अनुसन्धान भइरहेको सिरहा प्रहरीले जनाएको छ ।