रौतहटमा ट्याक्टर दुर्घटना हुँदा चालकको ज्यान गयो

टुडेपाटी-
रौतहट, असार २५ गते ।

रौतहटमा ट्याक्टर दुर्घटना हुँदा चालकको ज्यान गएको छ । मृत्यु हुनेमा गरुडा नगरपालिका ६ पठियाहिका महमद सैफुला रहेका छन् ।

कटहरिया नगरपालिका १ हर्षाहा गाउँ बाट खर लोड गरेर गएराती घरतर्फ जान लागेको ना ०४ त ४१४२ नम्बरको ट्याक्टर लालबकैया नदीको बाँध बाट झन्डै २० फिट तल खेतमा खसेर दुर्घटना भएको हो ।

दुर्घटनास्थलमै चालक सैफुलाको मृत्यु भएको इलाका प्रहरी कार्यालय गरुडाका इन्स्पेक्टर वीरेन्द्र पाश्वानले बताए । दुर्घटना शुक्रबार अबेर राति नै भएपनि शनिबार बिहान १० बजे प्रहरीलाई जानकारी भएको थियो ।

मृतकको शव पोष्टमार्टमको लागि आज जिल्ला अस्पताल गौर पठाइएको छ र घटना बारे थप अनुसन्धान भइरहेको इलाका प्रहरी कार्यालय कटहरियाले जनाएको छ ।