मधेश प्रदेश : कटुवा पेस्तोलसहित दुई युवक पक्राउ

टुडेपाटी-
बारा, असार २३ गते ।

बाराबाट कटुवा पेस्तोलसहित दुई युवक पक्राउ परेका छन्  ।

पक्राउ पर्नेमा जिल्लाको सिम्रौनगढ नगरपालिका-१ का २९ वर्षीय अनिल मुखिया र २५ वर्षीय गुड्डु मुखिया रहेको जिल्ला प्रहरी कार्यालय बाराले जनाएको छ ।

सिम्रौनगढ- १ स्थित नम्सगराढाठ पोखरीको डिलमा अनिल, गुड्डुलगायतका केही व्यक्तिले हतियार देखाई धम्की दिइरहेको छ भन्ने सूचनाको आधारमा इलाका प्रहरी कार्यालय सिम्रौनगढ बाराका प्रहरी निरीक्षक देवराज काफ्लेको नेतृत्वमा १० जनाको टोली खटिएको थियो ।

टोलीले घेरा हालेर उनीहरुलाई नियन्त्रणमा लिएको हो ।

उनीहरूको शरीर खातलासी गर्दा गुड्डु मुखियाको साथबाट कटुवा पेस्तोल फेला परेको बारा प्रहरीले जनाएको छ ।