सिरहामा गोली चल्यो

टुडेपाटी–
सिरहा, असार १२ गते ।

सिरहामा गोली चलेको छ । लहान नगरपालिका २२ बेलीजटियाही टोलमा गोली चल्दा एक जना घाईते भएको छन् ।

यस घटनामा संग्लन रहेका दुई जनालाई प्रहरीले पक्राउ गरेको जनाएका छन् ।

आइतवार बिहान करिब पौने ९ बजे रबिन्द्र चौधरीको घरको माथिल्लो तल्लामा स्थानीय १९ वर्षीय सुशान्त चौधरी, १५ वर्षीय सुरज मुखिया र १८ वर्षीय दिलिप मुखिया बसिरहेको थिए।

ख्याल–ख्यालमै सुशान्तले गोली चलाउँदा दिलपको पेटमा गोली लागेको प्रहरीले जनाएको छ।

प्रहरीले सुशान्त र सुरजलाई नियन्त्रणमा लिएको छ भने घाइते दिलिपलाई उपचारको लागि धरान पठाइएको छ।

प्रहरीले घटनास्थलबाट कटुवा पेस्तोल १ थान, ७.६५ एमएम लेखिएको गोली ५ राउन्ड, म्यागजिन १ थान, गोलीको खोखा एक थान बरामद गरेको छ।

यस सम्बन्धमा थप अनुसन्धान भइरहेको प्रहरीले जनाएका छन् ।