मधेश प्रदेश : पाँच वर्षीया बालिकाको बलात्कार गरेको आरोपमा किशोर पक्राउ

टुडेपाटी–
बारा, असार ९ गते ।

बारा प्रहरीले पाँच वर्षीया बालिकालाई जबरजस्ती करणी गरेको आरोपमा एक किशोरलाई पक्राउ गरेको छ ।

प्रहरीले बाराको जितपुरसिमरा उपमहानगरपालिका वडा नम्बर २२ चकरीका १८ वर्षीय एक किशोरलाई प्रहरीले पक्राउ गरेको हो ।

बालिकाको घरमा कोही नभएको अवस्थामा ललाई फकाई किशोरले जंगलमा लगेर जबरजस्ती करणी गरेको आरोप छ ।

यस सम्बन्धमा खबर प्राप्त भएपछि इलाका प्रहरी कार्यालय अमलेखगन्जबाट खटिएको टोलीले उनलाई बुधबार राति पक्राउ गरेको हो ।

यस घटना सम्बन्धमा थप अनुसन्धान भइरहेको प्रहरीले जनाएको छ ।