पर्साबाट अवैध १० किलो गाँजा बरामद

टुडेपाटी-

पर्सा, वैशाख ४ गते ।

पर्सा प्रहरीले अवैध लागुऔषध गाँजा बरामद गरेको छ ।बिहीबार बिहान पर्साको पकहामैनपुर गाउँपालिका १ धोरेस्थित खुल्ला चौर नजिकै थुपारेको परालभित्र राखेको बोराबाट अवैध १० किलो लागुऔषध गाँजा बरामद गरेको हो ।

उक्त चौरमा लकडाउनको समयमा मानिसहरु क्रिकेट खेलिरहेको भन्ने खबर प्राप्त हुनासाथ प्रहरी चौकी धोरेबाट खटेको प्रहरीले ती मानिसहरुलाई नियन्त्रणमा लिने क्रममा बोराभित्र लुकाई राखेको उक्त गाँजा फेला पारी बरामद गरेको पर्सा प्रहरीले जनाएको छ ।

यस सम्बन्धमा प्रहरीले थप अनुसन्धान प्रहरीले गरिरहेको छ ।