जनकपुरधाममा खेल्दा खेल्दै हराएको बच्चाको सकुशल उद्धार

टुडेपाटी–
जनकपुरधाम, असार २ गते ।

जनकपुरधाममा डेराबाट खेल्दै हराएको ३ वर्षीय बालकको प्रहरीले सकुशल उद्धार गरेको छ ।

धनुषाको जनकपुरधाम उपमहानगरपालिका वडा नं. १७ कनकपट्टी घर भई जनकपुरधाम–१ वकिल टोलमा डेरा लिइ बस्ने काजल पासवानको छोरा ३ वर्षीय आयुष पासवान बुधवार साँझ करिब साढे ४ बजे डेराबाट खेल्दा खेल्दै हराएका थिए ।

हराएको खबर प्रहरीमा पुगेपछि वडा प्रहरी कार्यालय धनुषा (रेल्वे)बाट खटेको प्रहरी टोलीले करिब साढे ६ बजे जनकपुरधाम–२ भानुचोकमा फेला परेको जिल्ला प्रहरी कार्यालय धनुषाले जनाएको छ ।

फेला परेको बच्चालाई सोही दिन उनको आमाको जिम्मा लगाइएको छ ।