महोत्तरीको जंगलमा लागेको आगोमा परेर एकजनाको मृत्यु

टुडेपाटी-

महोत्तरी, वैशाख ३ गते ।

महोत्तरीमा जंगलमा लागेको आगोमा परेर १ जनाको मृत्यु भएको छ ।

महोत्तरीको बर्दिबास नगरपालिका–१० स्थित सरस्वती सामुदायिक वनको जंगलमा लागेको आगोमा परेर सोही ठाउँका ७० वर्षीय हर्क बहादुर बाईबाको मृत्यु भएको हो ।

गाउँबाट आफ्नो घर जान हिँडेका उनको बाटोमा पर्ने जंगलमा लागेको आगोमा जलेर मृत्यु भएको जिल्ला प्रहरी कार्यालय महोत्तरीका प्रहरी उपरीक्षक श्यामकृष्ण अधिकारीले जानकारी दिए ।