मधेश प्रदेश : सुन सहित युवक सशस्त्र प्रहरीको फन्दामा

टुडेपाटी–
सर्लाही, बैशाख २३ गते ।

सर्लाहीमा सशस्त्र प्रहरीले सुनका सामग्री र दाना सहित एकजनालाई नियन्त्रणमा लिएको छ ।

सशस्त्र प्रहरी बल बोर्डर आउट पोष्ट मलंगवाबाट सशस्त्र प्रहरी निरीक्षक उमेश कार्की नेतृत्वको बीओपीको टोलीले मलंगवा टावन चोक नजिकबाट लालबन्दी नगरपालिका–४ का मिसरान अन्सारीलाई नियन्त्रणमा लिएको हो ।

शुक्रवार दिउँसो १ बजे अन्सारी चडेको ना २३ प ४४२७ नम्बरको मोटरसाइकल चेकजाँच गर्दा १५३.६५ ग्राम अर्थात जर्ती कटाएर १३ तोला १७३ लाल सुनका विभिन्न सामग्री नियन्त्रणमा लिएको सशस्त्र प्रहरी बल १० नम्बर गण कबिलासीका गणपति सशस्त्र प्रहरी उपरीक्षक भरत खनियाले जानकारी दिए ।

आवश्यक कागजात नभएकाले बरामद गरिएको सुन र मोटरसाइकलको थप कारबाहीको लागी मलंगवा भन्सार कार्यालयमा बुझाई सकिएको सशस्त्र प्रहरीले जनाएको छ ।