मधेश प्रदेश : मोटरसाइकलको ठक्करबाट साइकल यात्रीको मृत्यु

टुडेपाटी–
सप्तरी, बैशाख २२ गते ।

सप्तरीमा मोटरसाइकलको ठक्करबाट साइकल यात्रीको मृत्यु भएको छ ।

जिल्लाको छिन्नमस्ता गाउँपालिका–१ बिरपुरमा बुधबार बेलुकी मोटरसाइकलको ठक्करबाट साइकलयात्री तिलाठी कोईलाडी गाउँपालीका वडा नं.–१ का ४३ वर्षीय सतिष कुमार यादवको मृत्यु भएको जिल्ला प्रहरी कार्यालय सप्तरीले जनाएको छ ।

मोटरसाइकलको ठक्करबाट गम्भीर घाइते भएका उनको उपचारका क्रममा राजविराजस्थित गजेन्द्रनारायण सिंह अस्पतालमा मृत्यु भएको हो ।

घाइते भएका मोटरसाइकल चालक स्थानीय १८ वर्षीय ईन्द्रजीत यादवको सोही अस्पतालमा उपचार भइरहेको प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।