धनुषामा मोटरसाइकल दुर्घटना हुँदा एकजनाको मृत्यु

टुडेपाटी–
जनकपुरधाम, बैशाख १८ गते ।

मोटरसाइकल दुर्घटनामा परेर धनुषामा एकजनाको मृत्यु भएको छ ।

शनिवार साँझ ढल्केवर—जनकपुरधाम सडकखण्डमा मिथिला नगरपालिका– २ नक्टाझिजमा मोटरसाइकल अनियन्त्रित भएर दुर्घटना भएको हो ।

दुर्घटनामा परेर महोत्तरीको बर्दिबास नगरपालिका–७ किसाननगरका सन्जीव श्रेष्ठको मृत्यु भएको इलाका प्रहरी कार्यालय महेन्द्रनगरले जनाएको छ ।

ढल्केबरबाट जनकपुरधामतर्फ आउँदै गरेको प्रदेश २–०२–००२प ३०५३ नम्बरको मोटरसाइकल अनियन्त्रित हुँदा दुर्घटना भइको प्रहरी निरीक्षक बेचन यादवले जानकारी दिए ।
मोटरसाइकल दुर्घटनामा गम्भीर घाइते भएका श्रेष्ठको जनकपुरधामस्थित प्रादेशिक अस्पतालमा उपचारका क्रममा मृत्यु भएको हो ।

यस सम्बन्धमा थप अनुसन्धान भइरहेको इलाका प्रहरी कार्यालय महेन्द्रनगरले जनाएको छ ।