मधेश प्रदेश : १५० केजी गाँजा सहित दुईजना पक्राउ

टुडेपाटी–
बारा, बैशाख १५ गते ।

बारामा डेढ क्विन्टल लागूऔषध गाँजा सहित दुईजना पक्राउ परेका छन् ।

पक्राउ पर्नेमा भारतको विहार राज्य मोतिहारी जिल्ला थाना संग्रामपुर ग्राम पञ्चायत भटवलियाका ३५ वर्षीय अजित पासवान र रामदर्शन महतो रहेको मधेश प्रदेश प्रहरी कार्यालय जनकपुरधामले जनाएको छ ।

दुबैजनालाई बुधवार पक्राउ गरिएको हो ।

उनीहरुलाई बारा जिल्ला अदालतबाट लागूऔषध मुद्दामा पहिलो पटक दिन ५ को म्याद लिई थप अनुसन्धान थालेको प्रहरी प्रवक्ता प्रहरी उपरीक्षक तुल बहादुर कार्कीले जानकारी दिएका छन् ।