धनुषामा तीनजना सवार मोटरसाइकल ट्रकमा ठोक्कियो : तीन युवकको मृत्युु

टुडेपाटी–
जनकपुरधाम, बैशाख १३ गते ।

धनुषामा सवारी दुर्घटना हुँदा तीनजनाको मृत्यु भएको छ ।

सोमबार राति धनुषाको क्षिरेश्वरनाथ नगरपालिका–५ सिन्धुलीटोलमा भएको सवारी दुर्घटनामा तीन जनाको मृत्यु भएको धनुषा प्रहरीले जनाएका छन् ।

सडक छेउमा रोकिएको ना २ ख ८६२४ नम्बरको ट्रकमा साढे २ बजे तीन जना सवार लु ८३ प ८६५१ नम्बरको मोटरसाइकल ठोक्किएको थियो ।

मृत्यु भएका तीनजनामध्ये हालसम्म एक जनाको मात्र सनाखत भएको प्रहरीले जनाएको छ ।

सनाखत भएकामा धनुषाकै जनकपुर उपमहानगरपालिका–४ का अन्दाजी १९ वर्षीय सुमित टिण्डेवाल रहेका छन् ।

अन्य २ जना मृतकको सनाखत हुन अझै बाँकी रहेको छ ।

दुर्घटनामा परेर गम्भीर घाइते भएका ३ जनालाई जनकपुरधाम स्थित प्रादेशिक अस्पतालमा ल्याइएको थियो ।

यस सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।