कार दुर्घटनामा परेर धनुषामा एक जनाको मृत्यु

टुडेपाटी–
जनकपुरधाम, बैशाख ११ गते ।

कार दुर्घटनामा परेर धनुषामा एकजनाको मृत्यु भएको छ ।

शनिवार राति जिल्लाको लक्ष्मिनिया गाउँपालिका वडा नं. ४ सपहीमा कार दुर्घटना हुँदा एक जनाको मृत्यु भएको हो । यस्तै दुर्घटनामा तीन जना घाइते भएका छन् ।

दुर्घटनामा परेर कार चालक भारतिय नागरिक नविन कुमार रायको मृत्यु भएको प्रहरीले जनाएका छन् ।

गम्भीर घाइते भएका उनको उपचारको लागी प्रादेशिक अस्पताल जनकपुरधाम ल्याउँदा चिकित्सकले मृत घोषणा गरेको प्रहरीले जनाएको छ ।

यस्तै दुर्घटनामा परेर कारमा सवार सोनु कुमार गुप्ता, विशाल कुमार राय र गोलु कुमार महतो घाइते भएका छन् । घाइतेमध्ये गोलुको अवस्था गम्भीर रहेको छ ।

सबैजनाको उपचार प्रादेशिक अस्पतालमै भइरहेको छ ।

महेन्द्रनगरबाट जनकपुर तर्फ जाँदै गरेको भारतिय नम्बरको कार गएराती सवा ११ बजे अनियन्त्रित भई माटोको डिस्कोमा ठोकिएको थियो ।