महोत्तरीमा विवाहको गाडीमा तोडफोड गर्दै गरेका युवक पेस्तोलसहित प्रहरीको फन्दामा

टुडेपाटी-
जनकपुरधाम, बैशाख ८ गते ।

महोत्तरीबाट अटोमेटिक चाइनिज पेस्तोल र गोलीसहित एक युवक पक्राउ परेका छन् ।

पक्राउ पर्नेमा बर्दिवास नगरपालिका–१३ बिजलपुरा डाँडाटोल बस्ने २८ वर्षीय लालबाबु भण्डारी छन् ।

उनलाई बधुवार साँझ डाँडाटोल स्थित विवाहको गाडीमा तोडफोड गर्दै गरेको अवस्थामा प्रहरी चौकी औरही तथा हातिलेटबाट खटिएको प्रहरी टोलीले पक्राउ गरेको महोत्तरीका प्रहरी प्रवक्ता तथा प्रहरी नायव उपरीक्षक प्रकाश विष्टले जानकारी दिए ।

पक्राउ परेका भण्डारीको साथबाट प्रहरीले १ थान अटोमेटिक चाइनिज पेस्तोल, सो को म्याग्जीन १ थान र पेस्तोलमा लोड भएको मिस फायर गोली १ थान बरामद भएको छ ।

पक्राउ परेका भण्डारीलाई ईलाका प्रहरी कार्यालय बर्दिवासमा राखी थप अनुसन्धान भईरहेको जिल्ला प्रहरी कार्यालय महोत्तरीले जनाएको छ ।