मोटरसाइकलको चक्कामा सल बेरिँदा युवतीको ज्यान गयो

टुडेपाटी–
काठमाडौँ, बैशाख ७ गते ।

मोटरसाइकलको चक्कामा सल बेरिएपछि दुर्घटना हुँदा एकजनाको मृत्यु भएको छ ।

मोरङको ग्रामथान गाउँपालिका वडा नं. ७ बजरंगबलीमा दुर्घटना हुँदा सुनसरीको इटहरी उपमहानगरपालिका वडा नं. ८ की २१ वर्षीया रेश्मा नेपालीको मृत्यु भएको प्रहरीले जनाएका छन् ।

आफैँले लगाएको सल बेरिँदा मोटरसाइकल दुर्घटना भएको थियो ।

खसेर गम्भीर घाइते भएकी नेपालीको उपचारका क्रममा विराटनगरस्थित विराट नर्सिङहोममा मृत्यु भएको प्रहरीले जनाएको छ।

मंगलबार साँझ पौने ७ बजे को ३८ प २२०३ नम्बरको मोटरसाइकलको पछाडि सवार उनले लगाएको लेहेङगाको सल मोटरसाइकलको चक्कामा बेरिँदा लडेकी थिइन्।

दुर्घटनापछि मोटरसाइकलसहित चालक प्रहरीको नियन्त्रणमा रहेको इलाका प्रहरी कार्यालय हरैँचाले जनाएको छ ।