मधेश प्रदेश : मोटरसाइकल चोरी गरेर भाग्दै गरेका दुई युवक प्रहरीको फन्दामा

टुडेपाटी–
पर्सा, चैत २९ गते ।

मोटरसाइकल चोरी गरेर भाग्दै गरेका दुई युवकलाई पर्सा प्रहरीले नियन्त्रणमा लिएका छन् ।

पर्साको वीरगञ्ज महानगरपालिका–१५ नेशनल मेडिकल कलेजमा पार्किङ गरी राखिएको रौतहटको फतुवा विजयपुर नगरपालिका–१० का लक्ष्मी चौधरीको ना ३५ प ५९१ नम्बरको मोटरसाइकल चोरी गरि भाग्दै गरेका दुई युवकलाई पक्राउ गरिएको जिल्ला प्रहरी कार्यालय पर्साले जनाएको छ ।

पक्राउ पर्नेमा वीरगञ्ज–२२ जगरनाथपुर बस्ने २० वर्षीय ऋषी पासवान र १९ वर्षीय सहिम मिया अन्सारी रहेका छन् ।

दुबैजनालाई प्रहरीले मोटरसाइकल चोरी गरेर भाग्दै गर्दा नियन्त्रणमा लिएको हो ।