सर्लाहीमा बस पल्टिदा दुई दर्जन यात्रु घाइते

टुडेपाटी–
सर्लाही, चैत २८ गते ।

सर्लाहीमा बस दुर्घटना हुँदा दुई दर्जन यात्रु घाइते भएका छन् ।

जिल्लाको ईश्वरपुर नगरपालिका–५ फुलजोर चोकमा सोमबार बिहान बस पल्टीदा चालक सहित २४ जना यात्रु घाइते भएका हुन् ।

दुर्घटनामा परेर घाइते भएकामध्ये ५३ बर्षीया कमला श्रेष्ठ राइको अवस्था गम्भीर रहेको प्रहरीले जनाएको छ । जनकपुरधाम स्थित रामा मेमोरियल अस्पतालमा उनको उपचार भइरहेको छ ।

मोरङबाट भ्रमणको लागी प्युठान पुगेर मोरङतर्फ फर्कदै गर्दा प्रदेश ३–०१–००५ ख ९८६० नम्बरको बस आज बिहान पौने ४ बजे दुर्घटनामा परेको थियो । बसमा पारिश्रमिक सहकारी संस्था का कर्मचारीहरु रहेका थिए ।