मधेश प्रदेश : खोलामा महिलाको शव फेला

टुडेपाटी-
रौतहट, चैत २५ गते ।

मधेश प्रदशको रौतहटको लमहा खोलामा एक महिलाको शव भेटिएको छ।

यमुनामाई गाउँपालिका २ भेडियाहीस्थित लमहा नदीमा शुक्रबार अपराहन्न महिलाको शव फेला परेको हो ।

स्थानीयले पानीमा महिलाको शव देखिएपछि प्रहरीलाई खबर गरेका थिए ।

खोलामा शव देखिएको खबर थाहा पाउनासाथ इलाका प्रहरी कार्यालय गरुडाको टोली घटनास्थल पुगेको थियो।

पानीबाट महिलाको शव निकालेको छ ।
महिलाको पहिचान खुलेको छैन ।

महिलाको शवलाई पोस्टमार्टमको लागि जिल्ला अस्पताल गौर पठाइएको छ।

शुक्रबार साँझसम्म महिलाको पहिचान खुल्न सकेको छैन। घटना विषयमा थप अनुसन्धान भइरहेको जिल्ला प्रहरी कार्यालय रौतहटले जनाएको छ ।