धनुषामा स्कारपियोको ठक्करबाट एकजनाको मृत्यु, दुई घाइते

टुडेपाटी-
जनकपुरधाम, चैत २० गते ।

धनुषामा स्कारपियोको ठक्करबाट एकजनाको ज्यान गएको छ ।

हुलाकी राजमार्ग अन्तर्गत विदेहनगरपालिका ७ मा जनकपुरधामबाट कमला तर्फ जाँदै गरेको बी.आर. ० पी.बी.३९०२ नम्बरको स्कारपियोको ठक्करबाट एक पुरुषको शनिबार साँझ मृत्यु भएको हो ।

ठक्करबाट स्थानीय एकराही बस्ने ३५ वर्षीय बौका भन्ने हरिचरण मण्डलको मृत्यु भएको प्रहरीले जनाएको छ ।

ठक्करबाट अन्य दुईजना घाइते पनि भएका छन् । उनीहरुको प्रदेशिक अस्पतालमा उपचार भइरहेको छ ।

ठक्कर दिने स्कारपियो र चालकलाई प्रहरीले नियन्त्रणमा लिएर अनुसन्धान गरिरहेको जिल्ला प्रहरी कार्यालय धनुषाले जनाएको छ ।