प्रचण्ड आज महोत्तरी आउँदै

टुडेपाटी-
महोत्तरी, चैत २० गते ।

नेकपा माओवादी केन्द्रका अध्यक्ष पुष्पकमल दहाल प्रचण्ड आज (आइतबार) महोत्तरी आउन लागेका छन् । छुट्टा छुट्टै दुईवटा कार्यक्रममा सहभागी हुन प्रचण्ड महोत्तरी आउन लागेका हुन् ।

उनी बिहान ९ बजेको बिमानबाट जनकपुर आउने र त्यहाँबाट गाडीमा महोत्तरी आउने योंग कम्युनिष्ट लिग (वाइसिएल)का मधेब प्रदेश अध्यक्ष शंकर महतोले जानकारी दिए ।

उनका अनुसार बिहान ११ बजे बर्दिबासको खयरमारामा जनयुद्धका सहिदहरुको स्मरणमा निर्माण गर्न गरिने सहिद पार्कको शिलान्यास र निर्मल लामा बहुप्राविधिक शिक्षालयको नवनिर्मित भवन उदघाटन गर्ने कार्यक्रम छ । बिहान ११ बजेदेखि १ बजेसम्म त्यहाँ कार्यक्रम हुने जनाएको छ ।

सो कार्यक्रम समापन पश्चात महोत्तरीको गौशाला नगरपालिकाको नवनिर्मित प्रशासनिक भवको उदघाटन गर्न प्रचण्ड त्यहाँ पुग्ने छन् । दिउँसो १ बजेबाट गौशालामा कार्यक्रम राखिएको वाइसिएल नेता महतोले बताए ।