चपुरमा शंकास्पद बस्तु फेला

टुडेपाटी-
रौतहट, फागुन २८ गते ।

रौतहटमा शंकास्पद बस्तु फेला परेको छ ।

रौतहटको चन्द्रनिगाहपुर गौर सडकखण्ड अन्तर्गत चन्द्रपुर नगरपालिका मोथियाहीस्थित राजमार्गको बीचमा माथिबाट टायल्सले थिचेर तल कपडाको टालोले बेरेर राखिएको अवस्थामा शंकास्पद वस्तु फेला परेको हो ।

शंकास्पद बस्तु भएको स्थानलाई सुरक्षाकर्मीले नियन्त्रणमा लिएर आवतजावत बन्द गरेको छ । सो राजमार्ग भएर गुड्ने सवारीहरूलाई बेतौना हुँदै डाइभर्सन गरिएको जिल्ला ट्राफिक प्रहरी कार्यालयका प्रमुख ज्ञान बहादुर माझीले बताए ।

शंकास्पद वस्तु के हो र कसले राखेको हो नखुलेको रौतहट प्रहरी प्रमुख एसपी बिनोद घिमिरेले जानकारी दिए ।