मधेश प्रदेश : क्रिकेट म्याच हेर्न नगरपालिकामा २ दिन सार्वजनिक विदा

टुडेपाटी–
रौतहट, फागुन २५ गते ।

रौतहटको एक स्थानीय तहले क्रिकेट म्याच हेर्नका लागि नगरभित्र दुईदिन सार्वजनिक विदा दिएको छ ।

रौतहटको ईशनाथ नगरपालिकाले आज र भोलि दुई दिन सार्वजनिक विदा दिएको हो ।

अन्तर पालिकास्तरीय मेयर कप टी–ट्वान्टी क्रिकेट प्रतियोगिताको अन्तिम चरणका खेल हेर्न नगरपालिकाले दुई दिन सार्वजनिक विदा दिएको हो ।

खेल व्यवस्थापनमा कर्मचारीहरु समेत सहभागी हुनुपर्ने भन्दै नगर प्रमुख सन्तोष कुमार मेहता र उपप्रमुख हुस्ने आराले नगरपालिकाभर सार्वजनिक विदा दिइएको सूचना जारी गरेका छन् ।