मन्त्री महतोलाई भत्ताको पैसा दिएर घुस दिएको प्रचार गरेको आयुस इँटा उद्योगको स्पष्टोक्ति

टुडेपाटी-
जनकपुरधाम, फागुन २३ गते ।

सर्लाहीको आयुस इँटा उद्योगका संचालक आयुस महतले मधेश प्रदेशका उद्योग पर्यटन तथा वन मन्त्री सत्रुधन महतोलाई १५ हजार घुस दिएको आरोपसहितको फोन रेकर्ड (कल रेकर्ड) दुईदिनदेखि चर्चामा छ ।

आरोपसहितको सो कल रेकर्ड समाजिक सञ्जालमा जनकपुरका मासका संयोजक सरोज मिश्रले राखेका थिए । जुन समाजिक संजालमा भाइरल भइरहेको छ । कतिपयले एक तर्फ कुरा गरेर मन्त्री महतोको बदनाम गरिरहेको टिप्पणी गरिरहेका छन् भने कतिपयले मन्त्रीले घुस लिएकै हुनु पर्ने टिप्पणी गरिरहेका छन् ।

कतिपयले यथार्थ कुरा बाहिर आउनु पर्ने र दोषीलाई कारबाही हुनुपर्ने माग समेत गरेका छन् ।
तर, दुई दिन नबित्दै आयुष इटटा उद्योगका सञ्चालक आयुस महतले आफूले कुरै नबुझि घुस दिएको गलत प्रचार गरेको स्पष्ट पारेका छन् ।

उद्योगको स्विकृतीको क्रममा मन्त्री महतोलाई १५ हजार रुपैया घुस नदिएपनि गलत मनसायले आफ्नो सोझोपनको फाइदा उठाइएको उनको भनाई छ ।

किन सरोज मिश्रलाई मन्त्रीलाई काम बापत घुस दिएको भन्नु भो, अहिले कुरा फेर्नु हुन्छ भन्ने टुडेपाटीको प्रश्नमा आयुसले जवाफ दिए ‘सरोज मिश्रलेजीले फोन गर्नुभयो । मलाई कानको अलि प्रोबलेम छ । मैले केहि कुरै नबुझि १५ हजार दिएको भनदिएँ,’

उनका अनुसार प्रारम्भिक वातावरणिय परिक्षण प्रतिबेदन स्वीकृतीका लागि मन्त्रालयले गएको फागुन १३ गते बैठक बोलाएको थियो । सो बैठकमा खाना, खाजा तथा भत्ता मन्त्रीजीलाई दिएको उनले स्पष्ट पारे ।

अनि नबुझिकनै कसैको चरित्र हत्या गरिदिने प्रश्नमा आयुसले भने ‘गलती भयो ।’

यता सरोज मिश्रले मन्त्रीको दवावमा आयुसले बयान फेरेको दावी गरे ।

मन्त्रीको दवावमा कुरा फेर्नु भएको चर्चा छ नि, जिज्ञासमा आयुसले भने ‘मलाई कसैले दवाब दिएको होइन । मैले नबुझिकन भनेको थिए । अहिले सही कुरा बुझेर भनिरहेको छु ।’

यता मन्त्री महतोलाई घुस दिएको भनेर बदनाम गरि चरित्र हत्या गर्नेमाथि साइवर क्राइम र मानहानीको मुद्दा दिने तयारी गरेको उनको सचिवालयले जनाएको छ ।

उद्योग, पर्यटन वन तथा वातावरण मन्त्रालयले समेत घुस लिएको भनी दुष्प्रचार गरिएको भन्दै विज्ञप्ती जारी गरेको छ । ‘प्रस्तावक , कन्स्ल्ट्यान्ट र सरकारी निकायको तालमेल नमिलेर प्रतिबेदनको बिज्ञ समितिमा छलफल गरि स्वीकृत गर्ने कार्यमा कहिलेकाही ढिलाइ हुँदै गर्दाको अवस्थामा माननीय मन्त्री ज्युको ध्यानाकर्षण हुनु स्वभाबिक कुरो हो । सेवाग्राहीको कामकाज छिटोछरितो हुनु पर्छ भन्ने वहाँको सदैब मान्यता रहिआएको छ,’ मन्त्रालयका प्रवक्ता सुजित झाद्धारा जारी विज्ञप्तीमा भनिएको छ, ‘

प्रस्तावकसङ संघीय वन तथा वातावरण मन्त्रालयको आइ इ इ इआइएको बैठक सम्बन्धि कार्यबिधि २०७८ ले तोके बमोजिमको नियमानुसारको कार्यालय समय बाहेकको समयमा सहभागी विज्ञ सहितको सुझाव समितिको बैठक भत्ता र खाजा बाहेकका कुनै पनि रकम माननीय मन्त्रीज्युले निर्देशन नगरेको हुनाले समाजिक संजालमा रहेको भ्रामक, कपोल्कपित अडियो रेकर्डमा कुनै सत्यता नरहेको ब्यहोरा हार्दिक अनुरोध गर्दछु ।’