बारामा मोटरसाइकलको ठक्करबाट वृद्धाको ज्यान गयो

टुडेपाटी-
बारा, फागुन १८ गते ।

बारामा मोटरसाइकलको ठक्करबाट एम वृद्धाको ज्यान गएको छ । ज्यान जानेमा बाराको कोल्हबी नगरपालिका ६ अधन्वा बस्ने ८३ वर्षीया भोलिया देवी थरुनी छन् ।

मंगलबार साँझ ७ बजे पैदल हिँडिरहेको बेलामा ना ६४प ७२४ नम्बरको मोटरसाइकलले उनलाई ठक्कर दिएको थियो ।

उनको उपचारको क्रममा वीरगञ्जस्थित सुर्या अस्पतालमा राति १० बजे मृत्यु भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।

ठक्कर दिने मोटरसाइकल भोलिया देवीको घरमा रहेको र मोटरसाइकल चालक बारा कोल्हबी नगरपालिका – ८ का २५ वर्षीय बशिष्ठ चौधरी वडा प्रहरी कार्यालय विर्ता, वीरगञ्जको नियन्त्रणमा रहेको प्रहरीले जनाएको छ ।