महाशिवरात्रीमा यस पटक जनकपुरधाममा लखराम पूजाको आयोजना गरिने

टुडेपाटी–
जनकपुरधाम, फागुन १६ गते ।

महाशिवरात्रीको अवसरमा दशरथ युवा कमिटीले यस पटक लखराम पूजा गरेर मनाउने भएको छ ।

युवा कमिटीले जनकपुरधाम उपमहानगरपालिका वडा नम्बर–८ स्थित सन्त तुलसी दास पार्कमा यसवर्ष पनि महाशिवरात्री पर्व धुमधामका साथ मनाउन लागेको छ ।

२०६६ सालदेखि प्रत्येक वर्ष मनाउँदै आएको महाशिवरात्री पर्वमा यसवर्ष लखराम पूजाको आयोजना गर्न लागेको कमिटीका अध्यक्ष लवकुमार झाले जानकारी दिए ।

कमिटीले यसवर्ष लखराम पूजामा सवा लाख महादेवको पूजा गरिने अध्यक्ष झाले बताए ।

अध्यक्ष झाले मंगलबार दिउँसो २ बजेदेखि लखराम पूजाको आयोजना गरिने र सन्ध्या ७ बजेदेखि भजन सन्ध्या सुरु हुने जानकारी दिए ।महाशिवरात्रीको अवसरमा साँस्कृतिक कार्यक्रमको समेत आयोजना गरिने भएको छ ।