सर्लाहीमा अवैध रुपमा ल्याएको सामाग्री बरामद
टुडेपाटी–
सर्लाही, फागुन ७ गते ।
सर्लाहीमा अवैध रुपमा लग्दै गरेको रेडबुल, चकलेट, चिनी लगायतका सामाग्री सशस्त्र प्रहरीले बरामद गरेको छ ।
शनिवार असई रामकेवर रायको कमाण्डमा खटेको ५ जनाको प्रहरी टोलीले सर्लाहीको कविलासी–८ गौरमा मलंगवाबाट नवलपुर जाँदै गरेको बा ३ ख ७३३६ नम्बरको मिनी ट्रकलाई विशेष सूचनाको आधारमा चेक जाँच गर्दा भंसार छली गरेर ल्याएको सामाग्री बरामद भएको सशस्त्र प्रहरीले जनाएका छन् ।
Sponsored
मिनी ट्रक चेकजाँच गर्दा माथी खानेपानीको कार्टुन÷जार राखि भित्र लुकाई राखेको चिनी १७ बोरा, रेडबुल(निलो) ८ कार्टुन, रेडबुल(रातो) ४ कार्टुन, ललीपप ५ बोरा बरामद गरेको सशस्त्र प्रहरी सर्लाहीले जनाएको छ ।
गाडी र सामाग्री बरामद भएपनि चालक फरार रहेका छन् । प्रहरीले बरामद भएको १६ लाख २१ ह्जार ७८० बराबरको सामान र ट्रक भन्सार कार्यालयमा बुझाएको जनाएको छ ।
Sponsored
