पिपरा गाउँपालिकाकी उपाध्यक्ष एमालेमा प्रवेश

टुडेपाटी–
महोत्तरी, फागुन ७ गते ।

महोत्तरीको पिपरा गाउँपालिकाकी उपाध्यक्ष नेकपा एमालेमा प्रवेश गरेकी छिन् ।

पिपराकी उपाध्यक्ष ननुकुमारी दास शनिबार अखिल नेपाल महिला संघ महोत्तरीको नगर सम्मेलन तथा पार्टी प्रवेश कार्यक्रममा प्रवेश गरेकी छिन् । उनीसँगै तीन सय नेता तथा कार्यकर्ता एमाले प्रवेश गरेका हुन् ।

पूर्वमन्त्री समेत रहेकी एमाले पोलिटब्युरो सदस्य जुली महतो र पिपरा गाउँपालिकाका अध्यक्ष बिक्रम चौधरीले नवप्रवेशीहरुलाई टिका लगाए स्वागत गरेका थिए ।

उपाध्यक्ष दास यसअघि लोकतान्त्रिक समाजवादी पार्टी नेपालमा थिइन् ।