महोत्तरी प्रहरीद्वारा भन्सार छली भारत लग्दै गरेको कवाड बरामद

टुडेपाटी–
महोत्तरी, फागुन ७ गते ।

भन्सार छली गरेर भारत लग्दै गरेको कवार महोत्तरी प्रहरीले नियन्त्रणमा लिएको छ ।

प्रहरीले जलेश्वर नगरपालिका वडा नं. ५ स्थित नेपाल भारत सिमाक्षेत्रबाट नेपालबाट भारत तर्फ ट्रयाक्टरमा राखी भन्सार छली चोरी निकाशी गर्न लागेको कवाडी सामानहरु बरामद गरेको छ । ट्रयाक्टर सहित कवाडी ४ लाख १० हजार बराबरको रहेको महोत्तरी प्रहरीले जनाएको छ ।

त्यस्तै मटिहानी नगरपालिका वडा नं. ८ बाट भारतबाट नेपालतर्फ भन्सार छली चोरी पैठारी गरी ल्याएको १ लाख २४ हजार ५६० बराबको बिभिन्न खाद्य तथा किराना सामानहरु वेवारीसे अवस्थामा बरामद गरेको जिल्ला प्रहरी कार्यालय महोत्तरीले जनाएको छ ।

बरामद गरिएको कवडा र खाद्यान्य साममग्री सहित ट्याक्टर जलेश्वर भन्सार कार्यालयमा बुझाएको महोत्तरी प्रहरीले जनाएको छ ।