मधेश प्रदेश : ट्याक्टरको ठक्करबाट एकजनाको मृत्यु

टुडेपाटी–
रौतहट, फागुन ६ गते ।

रौतहटको ट्याक्टरको ठक्करबाट मोटरसाइकलमा सवार एकजनाको मृत्यु भएको छ ।

जिल्लाको दुर्गा भगवती गाँउपालिका–२ कर्बोलमा बिहीबार बेलुकी भएको सवारी दुर्घटनामा एक जनाको मृत्यु भएको रौतहट प्रहरीले जनाएका छन् ।

पिप्राबाट सुकदेवचोकतर्फ जाँदै गरेको ना २ त ८६०५ नम्बरको ट्रयाक्टरले बिपरित दिशाबाट आउँदै गरेको भारतीय नम्बरको मोटरसाईकललाई ठक्कर दिएको थियो ।

दुर्घटनामा गम्भीर घाइते भएका मोटरसाईकल चालकको उपचारको क्रममा जिल्ला सरकारी अस्पताल गौरमा मृत्यु भएको हो ।

मृतकको अहिले सनाखत हुन सकेको छैन् ।

दुर्घटना पश्चात ट्रयाक्टर चालक भने फरार भएका छन् । फारार भएका चालकको खोजी भइरहेको ईलाका प्रहरी कार्यालय गंगापिपरा रौतहटले जनाएको छ ।