आइतवारदेखि शैक्षिक संस्था खुल्ने

टुडेपाटी–
काठमाडौं, माघ २९ गते ।

भोलिदेखि देशभरको शैक्षिक संस्था खुल्ने भएका छन् ।

कोभिड–१९ संकट व्यवस्थापन समन्वय केन्द्रको निर्णय अनुसार शिक्षा तथा मानव स्रोत विकास केन्द्रले स्थानीय तहमा सर्कुलर गरेको हो ।

केन्द्रले एक विज्ञप्ती जारी गर्दै विश्वविद्यालय, विद्यालय, ट्युसन सेन्टर, तालिम वा अन्य प्रकारका शैक्षिक क्रियाकलापहरू जनस्वास्थ्य र सुरक्षाको मापदण्ड पालना गरी २०७८ फागुन १ गतेबाट सञ्चालन गर्न भनेको छ ।

विद्यालय सञ्चालन गर्दा १२ वर्ष पूरा भएका विद्यार्थीका हकमा नियमित रूपमा तथा १२ वर्ष पूरा नभएका विद्यार्थीका हकमा आलोपालो दिनमा कक्षा सञ्चालन गर्न भनिएको हो ।